სიახლეები ….. ….. დღეს გიმნაზიის მე-12 კლასელებისთვის ბოლო ზარი დაირეკა! ამ ზარით თქვენს ცხოვრებაში სრულიად ახალი ეტაპი იწყება ახალი გამოწვევებით, ახალი ურთიერთობებით, ცოდნის გაღრმავების ახალი პერსპექტივებით, როდესაც სკოლაში მიღებული ცოდნა მაქსიმალურად უნდა გამოავლინოთ. საკუთარი თავის რწმენა და სიყვარული არასოდეს დაგეკარგოთ და მუდამ გახსოვდეთ, რომ თქვენი წარმატების საიდუმლო თქვენს ხელშია. ცხოვრების სიძნელეებთან შეჭიდება ყოველთვის გამარჯვებით დაგესრულებინოთ! ჩვენ გვჯერა, ღირსეულად გაუმკლავდებით ყველა გამოწვევას და თქვენ მიერ გადადგმული ნაბიჯები წარმატებული იქნება, რომ თითოეული თქვენგანი ეცდებით ასახელოთ გიმნაზია, ოჯახი და ქვეყანა. გისურვებთ წარმატებებს და დასახული მიზნების უკლებლივ ასრულებას. ძვირფასო კურსდამთავრებულებო, გილოცავთ ამ დღეს! გეცხოვროთ უკეთეს სამყაროში! წინსვლას და ბედნიერ მომავალს გისურვებთ! გიმნაზიის მე-3 კლასის მოსწავლეებს საგნის, "მე და საზოგადოება"-ს (პედაგოგი თამარ უგულავა) ფარგლებში თემაზე "ჯანსაღი კბილები" ექიმი თამარ წიკლაური ესაუბრა.საკითხებზე ჰიგიენის წესები, კბილების დაცვა და ჯანსაღი ცხოვრების წესი, დარგის სპეციალისტმა პატარებს თვალსაჩინოებებით დეტალურად აუხსნა და მათთვის საინტერესო კითხვებზე უპასუხა. ძვირფასო მშობლებო! პირველ კლასში მოსწავლეთა რეგისტრაცია დაიწყო! 2022-2023 სასწავლო წლისთვის სკოლაში დარეგისტრირებას შეძლებენ ბავშვები, რომლებსაც 6 წელი 30 სექტემბრის ჩათვლით უსრულდებათ.დარეგისტრირებული მოსწავლის ჩასარიცხად აუცილებელია შემდეგი დოკუმენტაციის წარდგენა : 1. მოსწავლის დაბადების მოწმობის ასლი2. მოსწავლის 2 ფოტოსურათი 3X4-ზე3. ჯანმრთელობის ცნობა4. მშობლის განცხადება, რომელიც უნდა შეიცავდეს საცხოვრებელი ადგილისა და ტელეფონის ნომრის თაობაზე ინფორმაციას.5. მშობლის პირადობის დამადასტურებელი მოწმობის ასლი ,,ზოგადი განათლების შესახებ" საქართველოს კანონში ცვლილების თანახმად 2022-2023 სასწავლო წელს პირველ კლასში დარეგისტრირებას შეძლებენ ბავშვები, რომლებსაც 6 წელი შეუსრულდებათ 30 სექტემბრის ჩათვლით. 6 მაისს გაიმართა ათასწლეულის ინოვაციის კონკურსის ნახევარფინალი, სადაც ჩვენმა გუნდმა წარადგინა პროექტი - "ჭკვიანი ხელჯოხი მხედველობა დაქვეითებული ადამიანებისთვის". ამ პროექტმა გამოიწვია დიდი ინტერესი ჟიურიში და უკან საკმაოდ კმაყოფილები დავბრუნდით. გვჯერა რომ მომავალი ინოვაციებშია, მომავლის შეცვლა კი მონდომებულ ახალგაზრდებს შეუძლიათ. 🔴გუნდის წევრები : ანასტასია კაკაბაძე და ვერიკო ბუიძე. 🟠პროექტის ხელმძღვანელი : ირმა სულაბერიძე.